रखरखणारी सावली ..

चमेली गजरा आणि कवळ्या कलेजीची शिकार ...

हातांना गुंडाळलेला गजरा ..

श्वास कोंडणारा स्वस्त अत्तराचा दर्प ..

बेवारशी फिरणारी नायजेरीअन वंशाची भारतीय आयांची मुलं

डावं - उजवं जाणणार्‍या नेपाळी आणि बांग्लादेशी पोरी ...

खुमासदारीने मजा घेणारे .. काम करत असल्याचा आव आणत ..

मनात अनुदानाच्या हिस्स्याचा लाडू फोडत फिरणारे एनजीओवाले...


मध्येच घोगर्‍या आवाजात खिमा पावाची ऑर्डर देणारी अम्मा..


रोगीला देखील भोगणारे लिंगपिपासू


नागव्या चाकूला एकदा तरी ओला करणारे मकोडा


कंडोमच्या फुग्याला दिलेली श्रद्धांजली..


अशीच काहीशी भासत होती नामदेवाने वर्णिलेल्या त्या कामाठीपुर्‍यातली ती रखरखणारी सावली ..



-- वैभव छाया --


नामदेवाला अर्पण